Pérdete na cidade.
Ten coidado, faino a modo
As rúas desoladas,
As farolas somnámbulas.
O que atopes
colmarate de pánico.
Mirando nas caras cóntanse cadáveres.
O ceo é de algodón de bares.
Están mortas as chemineas.
Os rumores van cansos.
Que revente o tempo.
Quero beber sangue no asfalto.
Rúas que suben e baixan
e se agochan baixo as casas.
Rúas que morden nos pés,
automóbiles afónicos.
Hai pupilas que se licuan
ó darlle volta ás cartas.
Na terraza dun bar,
peitos birollos buscan sorrisos.
Alguén se crucifica,
abrindo unha ventá.
E chegando á esquina
unha sombra tírase ó tranvía.