Wha will ride wi' gallant Murray
Wha will ride for Geordie's sel'
He's the flower o' Glen Isla
And the darlin' o' Dunkeld
See the white rose in his bonnet
See his banner o'er the Tay
His guid sword he now has drawn it
And has flung his sheath away
Every faithfu' Murray follows
First of heroes, best of men
Every true and trusty Stewart
Blythely leaves his native glen
Athol lads are lads of honour
Westland rogues are rebels a'
When we come within their border
We may gar the Campbell's claw
Menzies he's our friend and brother
Gask and Strowan are nae slack
Noble Perth has ta'en the field
And a' the Drummonds at his back
Let us ride wi' gallant Murray
Let us fight for Charlie's crown
From the right we'll never sinder
Til we bring the tyrants down
MacIntosh the gallant sodger
Wi' the Grahams and Gordons gay
They have ta'en the field of honour
Spite of all their chiefs could say
Bend the musket point the rapier
Shift the brog for Lowland shoe
Scour the durk and face the danger
MacIntosh has all to do