Simmo lazzari felici
Gente ca nun trova cchiu' pace
Quanno canta se dispiace
E' sempe pronta a se vutta'
Pe' nun perdere l'addore.
Simmo lazzari felici
Male 'e rine ma nun se dice
Musicante senza permesso
'e ce guarda'
E cu 'e spalle sotto 'e casce
Nun se sente cchiu'
L'addore 'e mare
C'o volto santo 'mpietto
E 'a guerra dint'e mmane
Sapenno ca e' fernuto.
Ahhh
Si haje asci'
Po' fatte 'a croce
Cammenanno nun po' fa' pace
Aiza 'a capa e so' tutte 'nciuce
Ca nun se ponno acchiappa'
E c'a faccia gia' scippata
'a chesta musica ca e' mariola
Pe' dinto 'e carusielle
S'arrobba 'a vita e sona
Sapenno ca e' fernuta.
Ahhh
E intanto passa 'stu noveciento
Passammo nuje s'acconcia 'o tiempo
Si arape 'o stipo
Saje addo' staje
E nun te scuorde maje.
E intanto passa 'stu noveciento
Cammisa 'a fora
'ncuorpo t'o ssiente
E rieste allerta
Tutt'a nuttata
Penzanno addo' si' stato
Penzanno addo' si' stato.