De boer is troef, de boer is troef
De ene keer geet 't gladjes, de ander keer geet 't stroef
Zo deur de eeuwen hen, was 't boertje niet in tel
Moar toen kwam de hongerwinter, toen wisten zie 't wel
Op fietsen zonder bende kwam'm zie schooien um spek
De EEG trapt ons weer terug, moar de boer die is niet gek
De boer is troef, de boer is troef
De ene dag bu-j koning en de andere dag een boef
Hier en doar dan zie-j nog weles een olderwetsen boer
Hie kan zich nauwlijks redden moar toch hult hi-j zich stoer
Dat olderwetse keihard werken, trik 'm der wel bi-j
Moar als 's maans de wekker geet, begint 't weer op ni-j
De boer is troef, de boer is troef
De ene keer geet 't gladjes en de ander keer geet 't stroef
'k Mag graag een potjen kaarten en dan kan 't raar vergoan
Zo bu-j an 't winnen, zo he-j de knaken veur ow stoan
In 't leaven geet 't krek alens, 'k heb heupe kansen ehad
De meeste heb ik grif verknooid, moar eigenwies denk ik dat
De boer is troef, de boer is troef
De ene dag bu-j koning en de andere dag een boef
De trendvolgers en happy few holt graag een goed gesprek
Ik snap der vaak de ballen van, misschien 's dat mien gebrek
Moar als zie zegt: "wat bu-j een boer" wet ze niet woar 't ze over proat
Dan zeg 'k da'k doar trots op bun, ik wet wa'k wetten mot
De boer is troef, de boer is troef
De enen dag bu-j koning en de andere dag een boef