Ùn sò micca venuti
Da ch'elli eranu tristi
Anu chjosu e porte
Più nisunu l'hà visti
Ùn sò micca venuti
Sò cum'è prigiuneri
In li so cori muti
Battenu l'addisperi
È ùn anu chjamatu
D'altri toni o saette
Vulianu sapè
Senza chere vindette
S'elli ùn anu parlatu
Ghjè chì u core li freme
Anu dettu à i soi
D'arricoglie a speme
Ella
L'hà pigliatu a manu pè ùn sentesi sola
Ellu
Andarete à sapè ciò chì li ferma in gola
Vole sente à voce
Di a ghjusta famiglia
A cuscenza di l'omi
Chì cunsola è cunsiglia
Vole truvà u passu di l'amore in esiliu
A forza chì li manca sin'à u recunciliu
Sin'à u recunciliu
Sin'à u recunciliu …