Si nun mme pienze cchiù, dimméllo tu.
Si, i' aggio penzato a te, si sempe a te.
Ma st'uocchie nun 'o ccredono,
stu core palpita
ca tu staje ccá.
Pecché, vedenno a te,
io veco pure Napule cu me!
Parla nu poco 'e Napule,
parla 'e Pusilleco, d' 'o mare blu.
Dimme che 'a luna 'e Napule
fa luce a 'e ccoppie comme saje tu.
Se tu vuó' bene a me comm'a na vota,
párlame sempe 'e Napule,
famme sunná cu te!
Doppo tant'anne ca fatico ccá,
pe' te nun soffro cchiù. Saje chi si' tu?
Pe' me si' 'o sole 'e Napule,
si' 'o cielo 'e Napule,
si' tutto, tu.
E só' cuntento giá
pecché 'o destino t'ha mannato ccá!
Parla nu poco 'e Napule,
parla 'e Pusilleco, d''o mare blu.
Dimme che 'a luna 'e Napule
fa luce a 'e ccoppie comme saje tu.
Si tu vuó' bene a me comm'a na vota,
párlame sempe 'e Napule,
famme sunná cu te!
Si tu vuó' bene a me comm'a na vota,
párlame sempe 'e Napule,
famme sunná cu te!