Dä Vorhang dä jeiht op, ich stonn allein
met minger Jittar op d'r Bühn, de Lück sin janz jespannt
wat ich hück sing un wat ich hück noch alles bring
Han butterweiche Knie - mih Hätz klopp wie verröck
jitz hilf mir keiner, ich kann nit mih zoröck
Wo es dinge Fründ dä jitz kütt un määt mir Moot
„Denk nit zovill, et jeht schon joot."
Doch all ming Fründe sin hück Ovend he
Ich merk ming Angs, die jeit vorbei
D'r Hals es drüch, de Finger sind noch stief
Ich sing e janz klein bißje schief
De Lück dunn applaudiere, mir fällt ne Stein vum Hätz
jitz kann ich laache un wirk nit mih jehetz
Un irjendeiner kütt un määt mir widder Moot
„Denk nit zovill, et jeht schon joot."
Sulang, sulang ich och singe, ich sing alles nur für üch
Sulang, sulang ich och spille, ich wör ja nix ohne üch
Ich han mich op d'r Ovend vun Hätze jefreut
dat alles joot läuf un keiner jet bereut
Hey leeve Fründ, ich jlöv jitz han ich Moot
„Denk nit zovill, et jeht schon joot."