Als kleine jung ich weiß noch joot, do kohm ich öfters jet ze koot
Et jeld wor knapp, für papp un mamm wor et su schwer
Et jov nur einmol in d'r woch et meddachs fleisch un manchmol doch
Jov et dann kaffee anstatt muckefuck bei uns
Jo dat woren de schönste johre
Jo, dat wor de schönste zick für mich
Wenn de mamm sproch: „jung, ob de ärm bes oder rich
Irjendwann, sin alle minsche jlich."
Dann kohm mi schwesterche zor welt, d'r papp säht:
„dat hät noch jefählt!" jedoch de mamm die meint:
„dat kind weed och noch satt."
D'r kinderware repareet, et kinderzimmer tapezeet
Un dann met fuffzich mann en kinderdäuf jefiert
Et sundachs-mommedachs öm drei, do kohm d'r iesmann dann vorbei
Dann jov d'r papp fünf jrosche sundachs-jeld janz stolz
Dann soße mer om trottewar, uns kinderwelt wor wunderbar
Un leckten still un fruh verjnöchlich unser ies
Dann steihs du eesch ovven huh am himmelszelt
Jung, wat nötz dir dann noch all dat ville jeld!?