Hiddink zet de weerldcup op de kop
Weerldcup op de kop, weerldcup op de kop
Guus brech Zuud-Korea an de top
Op Guus wille wi-j allemaole proost'n
Hie Dung-Gu, de sterre uut 't Ooost'n
De wiezen komt uut 't Ooost'n
Daor dut gin mens wat an
Dee leu hebt haost te völ verstand
Wet aoveral wat van
Van toeten en van blaozen
Van wonder en geweld
Maor 't meeste vernul, dat kö'j daor zeen
Op 't voetbalveld
De wiezen komt uut 't Ooost'n
Da's algemeen bekend
Wil i-j verdan in de voetbalsport
Dan vin i-j hier talent
Met intellect vlög elken bal
En aeven lieke en recht
Hoo wieter naot 't Ooost'n
Hoo helderder 't lech