A'j zit te balen
En 't zit ow neet met
Könt niks betalen
I-j laeft jo zon betjen buten de wet
En i-j heurt verhalen
Jao dee gaot aover ow
Maor dat is aoverdreven en vake te row
Maor as 't donker wodt, veul i-j ow vri-j
Hier is nog plaatse, den kruk is nog vri-j
Den eersten borrel trök d'r ow fijn bi-j
Wat ewes is bu'j vergetten
Wat ni-j is kö'j neet wetten
Alles is as ni-j
Maor 'n andern morgen
Kaerl daor knaagt 't weer heer
Dee olde zörge
Dat vret en dat dut en dat bit egaals meer
En i-j könt neet klagen
Want de leu hebt ow deur
Zo kom i-j ow tegen, da's juust 't malheur