Gin stuksken grond in 't hele land
Gin kluutjen klei, gin hendjen zand
Elk steentjen is wal es beveuld
En elken trad is um eweuld
De grond lig vol met piepen
Trosse kabels veur 't griepen
Maor 't grei wao'w ons gin raod met wet
Wordt deep in den baodem
Deep in den baodem
Deep in den baodem af ezet
A'j baoven ow de loch bekiekt
Hoo't vleegtugen de waeld bestriekt
Der vlog van alles in 't rond
Van groewlek hoog bis an de grond
Boh, de loch ko'w good gebroeken
Dat ku'j meespat dufteg roeken
Want 't grei wao'w ons gin raod met wet
Wordt hoog in den hemel
Hoog in den hemel
Hoog in den hemel af ezet
Aodem in, aodem uut
En maak daorbi-j geluud
Aodem in, aodem uut
En maak daorbi-j geluud
Baoven de grond, onder 't zwark
Veul ik mien thuus, doo ik mien wark
En a'j dan toch an 't kieken bunt
En 't oge wat van 't landschap gunt
Verget dan ook de bargen neet
Waor ok de tied neet stille steet
Van 't Montferland tot an 't Bellegoor
Den lesten is no ok al klaor
Want 't grei wao'w ons gin raod met wet
Wordt hoog op de bargen
Hoog op de bargen
Hoog op de bargen af ezet