t Is aacht uur in morgen en ik wor wakker
Van 'n traain dij stoom oet bloast
Gerdienen sloag ik open en zai het vee
Dat boeten in 't gruinlaand groast
'n Brandvos lopt doar mit heur vool
'n Poar schoapen en 'n jonge bok
En in de wiedte zai ik nog net
Stoom van d'olle loc
refr.:
Dij beelden blieven mie op 't netvlies stoan
Zai geven mie evenpies lucht
Hail aans as dat jachten en joagen
'k Bin even dizze tied ontvlucht
'n Bakkersknecht mit korf op fiets
Gaait hoezen laangs mit stoet
Twij oldjes koiern haand in haand
Zai binnen der evenpies oet
In schoul heur 'k kinder: aap, noot, mies
Koster van kerk knipt heeg
Zielwoarder wacht op o eerste schip
Mor 't wotter staait nog te leeg
refr.
'n Boer dij gaait mit lutje knecht
Mit peerd en woagen noar 't laand
Kinder binnen aan 't speulen op pad
Zai moaken 'n kestail van zaand
Twij vraauwlu dij gunnen zok gain tied
Zai hebben 't mit proaten te drok
En in de wiedte zai ik nog net
Stoom van d'olle loc