Ellu:
Da tantu aghju lavuratu
Sò famitu cum’è un cane
Duie mi n’aghju vultatu
Di trè picce di pane
Dà capu à u to maritu
Chì hà ragiò d’esse famitu
Ella:
Ùn serai cusì famitu
Chì vistu ai l’innamurata
È per quantu aghju capitu
Era tutta infarinata
Fattu avia I mugliaccioli
Per voi altri dui soli
Ellu:
O ch’è tù scià scuntirnata
Hè custì ch’ellu ti sente
Finchì ùn t’aghju intarrata
Un possu più vede ghjente
Parchè sè tù una ruffione
M’ai messu u taglione
Ella:
O s’era sola una ruffione
Sò ruffione ch’è di tè
O sin’à I ghjorni d’oghje
Eiu a possu dì chì hè
Ma s’e trovu à fà cumpari
Vogliu ch’è no siamu pari
Ellu:
Fà ne puru quantu ti pare
Ma fà ch’o ùn li cunosca
O sinò l’ampargu à piscare
A piscà incù l’enza è a mosca
È incù l’ami latruneschi
À ch’ùn sà piscà n’ùn peschi
Ella:
Tù cù l’ami è cù e nasse
Ti ciotti per tutte l’onde
È pigli e pesce grasse
Tupizzute è groppitonde
Eppò nentru à u to fiume
Ùn ci voli torbe lume