God here vader, hoog in j'n hemel
hoog in j'n hemel, of waar da j'ook zit
past het voor joen da'k u lastig valle
hè je voor mij een secondetje tijd
Maar even lang lijk een liedje kan duren
'k zeg het al zingen en je weet wel waarom
want om te klappen met veel moeilijke woorden
heb 'k geen diploma en zijn'k veel te dom
Gode here vader, je peist gie nu zeker
were zo'n hippie met zijn haar in de wind
die 't al gaat verander'n maar jnie weet waar beginnen
hij is al wel groot, maar nog echt een groot kind
Ja, 'k weet het, 't is goed, joen wereld is beter
allez 't is te zeggen hij is goed gemaakt
hoe veel soorten bomen, bloemtjes en planten
'k vrage mie wel af hoe zij'j daar an geraakt
Die zon en die mane en die duizenden sterren
die vogels en vissen en beesten in 't wild
curieus hoe fijn da gie da gedaan hebt
maar hè je niet te vele van joen krachten verspilt
Ware 't niet beter zonder de mensch'n
alzo zonder oorlog, moord en brand
ofwel moest j'ons toch wat beter gemaakt hebben
een beetje meer mens en wat minder verstand
God here vader hoog in j'n hemel
hoog in j'n hemel of waar da j'ook zit
dat was geen liedje g'lijk al m'n and're
maar gij zijt bedankt voor dat klein liedje tijd.