Träne über t'Backe tropfe ufe Stei
Vorhär Hand in Hand
Hüt gan ih allei
Länge Blick it Seelä
Fasch so tief wie nie
Gseh scho üsi Sehnsucht
Gspüre glich ds zieh
Letste Kuss am Egge
Abschid näh faut schwär
Roti, gäubi Bletter
Lige ufem Wäg
Erste Kuss im Summer
Scho nes wili här
Tbiuder si verschwumme
I frag mi was chunt när
Graui Näbuschwade
Hange über üs
Luege über t'Matte, t'Areebrügg u t'Hüser
Gsesch die zwöi im Fenster?
Filäch glich wie mir
Luege zu üs übere
U frage sech gd z'gliche
Frage sech wos härä füert?
Öbs zämä passt?
Wis wär wenns nümm isch?
Ischs wahri Liebi u wahri gfüu?
Häbts für immer, ändets hüt?
So wis üs nid gfaut
Es isch so wis isch
Gseh wie twürfu faue
Tcharte ufem Tisch
-Chum mir spile zäme schäri, stei, papier
-Chum chli zu mir härä
-Schwär verliebt ih di
-Immer chli am chärä
-Zu mir oder zu dir?
-Chum mir spile zämä schäri, stei, papier
Schone wuche speter
Simer wider zämä
Spile none rundi UNO und Backgammon
Wüsse wi die Games loufe
Ging di glichi Themeschloufe
Hoffe mir chöi schono viu redä
Strittä über spiureglä
Härz isch trumpf
Da simer üs scho einig
Aber t'Frag blibt glich
Wi wit mir ds no teile?
Mir hei ä verbindig
Wines Band zwüsche üs
Heis gloub überspannt
Seili zieh bis t'strickä risse
Weiss das es normau isch
Weme strit het u krach
Weiss es isch ir ordnig
Und o ihstelligs sach
Mir hei öppis ufbout
Söui ds iz ufgäh?
Söui ize usbreche?
Darfi ds äch usspräche?
Bini blind u gsehs noni?
Bini Chind u fürchte mih?
Bini feig u flüchte mi?
Drück ih mi, vorem Spiegubiud?
Blibe geduudig
Aus würd ih uf der luur lige
Tee trinke, warte, luege wisechs entwicklet
Chum mir spile zäme schäri, stei, papier
-Chum chli zu mir härä
-Schwär verliebt ih di
-Immer chli am chärä
-Zu mir oder zu dir?
-Chum mir spile zämä schäri, stei, papier
Chum mir spile zäme schäri, stei, papier
-Chum chli zu mir härä
-Schwär verliebt ih di
-Immer chli am chärä
-Zu mir oder zu dir?
-Chum mir spile zämä schäri, stei, papier