Zitta,
stanotte nun dicere niente,
cádeme 'mbraccia, ma senza parlá.
Dòrmono 'e ccose nu suonno lucente,
nu suonno 'e na notte d'está.
Marí',
dint' 'o silenzio,
silenzio cantator,
nun te dico parole d'ammore,
ma t' 'e ddice stu mare pe' me!
Dimme, stanotte si' tutta d''a mia?
Ll'uocchie tuoje belle
mme diceno 'e sí.
No, cu 'sta luna, nisciuna bucía
sta vócca buciarda pò ddí!
Marí',
dint' 'o silenzio,
silenzio cantator,
nun te dico parole d'ammore,
ma t' 'e ddice stu mare pe' me!
Nun te dico parole d'ammore,
ma t' 'e ddice stu mare pe' me!
Zitta, Marí' !