The pipie is dozy, the pipie is fay
He winna be roon for his vino the day
And the sky ower Messina is unco and gray
A' the bricht chaulmers are eerie
Oh fare ye weel, ye Banks o' Sicily
Aye fare ye weel, ye valley and sha'
There's nae Jock will mourn the Kyles o' ye
A' the bricht chaumers are eerie
Oh fare ye weel, ye Banks o' Sicily
Fare ye weel, ye valley and sha'
There's nae hame will smoor the wiles o' ye
Peer bloody squaddies are weary
So doon the stair and line the watterside
Wait yer turn, the ferry's awa
Doon the stair and line the watterside
A' the bricht chaumers are eerie
The drummie is polished, the drummie is braw
He canna be seen for his webbin' ave
He's beezed himsel' up for a photie an' a'
Tae gie his Lola, his dearie
Oh fare ye weel, ye dives o' Sicily
Fare ye weel, baith sheiling and ha'
We'll a' min' shebeens and bothies where
Kind señoritas were cheery
Oh fare ye weel, ye dives o' Sicily
Fare ye weel, baith sheiling and ha'
We'll a' min' shebeens and bothies where
Jock made a date wi' his dearie
So tune the pipe and drub the tenor drum
Leave yer kit this side o' the wa'
Tune the pipe and drub the tenor drum
A' the bricht chaumers are eerie