Et es Juli un dä Sommer es do, ich will Urlaub
Ich han ald sechs mol jeluurt, ävver et Konto es leer
(kein Flocke; selvs em Socke vun d'r Oma es nix mieh drin)
Kein Jeld för Auto un Flochzeuch
Dann nemm ich et Rädche
Et mööt och nit Ibiza sin; dis Johr Urlaub am Rhing
Manche Lück wisse jo jarnit
Dat mer en Kölle och Strand han
Nor einmol üvver der Bröck, do es m'r ald do
(wenn du nit loofe wills, et fährt sujar en Seilbahn hin)
Dat Panorama es besser wie op all dä Posskaate
Denn vun welchem Strand op d'r Ääd hät m'r schon
Su ene Bleck op de schönste Kappell vun der Welt
Ich ben fott, denn ich mach Urlaub op d'r
Schlalala-lalalala-lalalala Schäl Sick
Un wenn de Wolke kumme - mer han et Sönnche em Hätze
Un schloofe ovends ze Hus, driess op dat düüre Hotel
De Hängematt opjespannt
Dä Jrill es düchtich am qualme
(un de Fööss un d'r Kopp und de Tüüt vielleich och)
De Kess Reissdorf im Rhing - besser kann et nit sin
Un wenn et räänt, maache mir einfach ne Räändanz
Un wenn et dunkel weed
Dann maache mer uns Fackele aan
Un wenn de Fläsch leer es
Dann schicke mer en Fläscheposs
Leev Lück, mer kumme nit mieh zeröck
Von unserem Urlaub op d'r