Minne vint is weggegon.
O min lief is weggegon.
Kgoa et nooit kunnen verston,
oit zuo skuone nu gedon.
Ip nen dag benk ipgeston.
Een klein papierke ik gevon,
met dorip nie veel uitleg.
O min lief waarom ziej weg.
O ok et moa geweten,
bljivve wakker iddernacht.
Neffest u ok gezeten
in in stilt' ieldik de wacht.
Negen jor vuorbie gehon.
Minder ut en minder moaten.
En terwil da w'oes verzopen
is de sleur der in geslopen.
W'int er nuoisn over het.
Eurn dagen ik ol geblet.
O min lief 't is huogverraad.
Ne mins is toet vele in staat.
O ok et moa geweten,
bljivve wakker iddernacht.
Neffest u ok gezeten
in in stilt' ieldik de wacht.
Oi nu nie were komt moet er loater wok ne mji,
ben ton ol gezoeken onder t water van de zji.
'T is algemjin geweten van nie 't asemen hoi duod.
Moa worom zoei wil leven oi kun driven lik ne buot.
Min uogen staren diepe nu dak driv 'ip minnen buk.
O 't water an min lippen stond ton waegdek minnen duk.
'T is nu bie de vissen en de zjimirmin dak ruste
en kan mie nimmi inbeelden oe dat voelde oi mie kuste.
O ok et moa geweten,
bljivve wakker iddernacht.
Neffest u ok gezeten
in in stilt' ieldik de wacht.