'S na horo hì hoireannan
Horo chall eile
'S na horo hì hoireannan
Gura mis' tha fo mhulad
Air an tulaich 's mòr m' èislean
Chunna mise mo leannan
Cha do dh'aithnich e 'n dè mi
Cha do dh'fhidir, 's cha d' fharraid
Cha do ghabh e dhìom sgeula
Chunna mise dol suas thu
Gu buaile na sprèidhe
'S ann a ghabh e orm seachad
Air each glas nan ceum eutrom
Air each glas nan ceum lùthmhor
'Ghearradh sùnndach an fhèithe
Tha mo leanabh nam achlais
'S mi gun taice fo'n ghrèin dha
Cha bu mhise bu choireach
'S ann bu choireach e fhèin ris
Mar a thèid mi 'nam ònar
'G iarraidh lòn air gach tè dha
Этот текст прочитали 619 раз.