Annemarie mer han doch Ruusemondaach,
treck noch ens dat Bambusröckche ahn.
Un dann jon mir zwei en unser Veedel,
weiß de noch, do feng doch alles ahn.
Als ich dich et eetzte Mol jesenn han
un du häs mir glich e Bier jebraht.
Doch ich hat kein Jelt mih un wullt heim jon
Äver do häs do zo mir jesaat:
Sulang die Botz noch hält un su lang et uns jefällt,
mir fiere Fastelovend, dat es et schönste op dr Welt.
Wat jeit et uns dann joot, jo su unwarscheinlich joot.
Mir han bis Äschermettwoch och met Sorje nix am Hoot.
Sinn mir zwei och jetz e paar Johr älder,
han mir och e paar Falde an dr Fott,
dat es doch ejal un jar net wichtig,
denn mir sen noch emmer jeck em Kopp.
Komm, hück Naach verjesse mir de Sorje
un dann jeit et renn en dat Jewöhl.
Jo dann dröck ich dich noch ens wie fröher,
denn dat es un bliev e schön Jeföhl.
Sulang die Botz noch hält un su lang et uns jefällt,
mir fiere Fastelovend, dat es et schönste op dr Welt.
Wat jeit et uns dann joot, jo su unwarscheinlich joot.
Mir han bis Äschermettwoch och met Sorje nix am Hoot.
Un wenn mir net mih könne, un wenn et net mih jeit,
dann senge mir em Schaukelstohl zesamme unser Leed.
Jo un dat jeit
Sulang die Botz noch hält un su lang et uns jefällt,
mir fiere Fastelovend, dat es et schönste op dr Welt.
Wat jeit et uns dann joot, jo su unwarscheinlich joot.
Mir han bis Äschermettwoch och met Sorje nix am Hoot.