Hütt isch e schöne Tag, won-y mi dra gwöhne ka.
Wil-y für jedi Witterig mini eige Lösig ha.
Ych mues nur durch d'Linse blinzle mit mine blinde Auge
und egal won-y bi, sie finde Fraue.
Es paar könnt-y sofort vom Fläck wägg hürote,
egal obs Gschwätz gäbt. Kumm mir gniesse dr Füürobe!
Ych gseh numme no di, ka nümm uf mi Gspür lose
und morn muess denn mi Awalt d'Kohle us em Füür hole.
Doch das isch mr jetzt glyych, wil ych für alli dä Text schryyb
wo mi verzaubere wie sie sind, so süess und sexy.
Hey Ladies, ihr gänd mim Läbe Sinn und Inhalt.
Ych lieb euch, in all eurer Vielfalt.
S'Läbe isch e Kampf, doch Gott sei Dank git's euch.
Wenn ihr nümm wäred, ych glaub do hätt-y nid freud.
Ych bitt euch: Bitte blyybed zauberhaft und
gän uns wytter Kraft, ohni euch wär's grauehaft.
Ych ha mit euch scho gnueg gstritte, wäg' euch scho gnueg g'litte.
Doch ha immer gwüsst, dass alles guet wird, denn
ihr sind zwor dr Grund, werum ych immer wieder zerstreut bi
aber y weiss ganz genau: es goht ohni euch nid.
Es paar vo euch sind sogar no käuflich,
obwohl's nid immer fair isch, was Maa vo euch will.
Au euch gilt' dä Dank, ihr stilled es Grundbedürfnis,
egal ob emanzipiert oder unterwürfig.
Es bruucht Schlampe und Ladies, Emanze und Babies.
Wil Gschmäcker gits viel, und zum ganze nid wenig.
Bi kei Arschloch und Macho, wo euch uf Strosse attackiert,
aber wenn dir wän, wird-y zum Rosekavalier.
Wenn-y durch d'Stadt spazier, gsehn-y Kleidli dünn wie Backpapier.
Wüssed ihr nid, wie das mini Närve strapaziert?
Uf euch will-y nie meh verzichte, bi mr niene so sicher.
Ych lieb euri Art und ych lieb euri Gsichter.
Refrain
Cuts: All in the name of love. Never felt more alive. All in the name of love.
Mr seit jo, s'Beschti kunnt z'letscht und du bisch definitiv s'Bescht.
Dä Teil isch dir elei, damit du gsehsch wie ych dich schätz.
Du hesch eh meh verdient als die lausigi Strophe.
Ych gib dir alles was willsch, am beschte tausgi Goofe.
Y weiss, dass dir die Wort nid mol im Aasatz grächt wärde.
Drum bin y dir au dankbar, du beändsch mi Pächsträhne.
Merksch wie ych entzückt bi? Du machsch mich zum Glückspilz!
Ych will dich als Byyfahrerin, dr Räscht nid mol uf em Rücksitz.
Und wenn ych dir sag, dass du mi Gegestück bisch,
denn meini's e so, mir sind uns ebebürdig.
Du stohsch für mi im Mittelpunkt und bisch dr Grund,
dass ych mi Lächle nümm us em Gsicht bekumm.
Ych lieb's, soviel Zyt mit dir z'verbringe.
Und gniess die Momänt, wo mich mit dir verbinde.
Ych gspür's tief inne, du bedütisch mir verdammt viel.
Für di wird dr Rüppel vom Stammtisch sogar romantisch.
Ha Liebi gsuecht, doch nie dänkt dass ych dich find.
Drum bin-y au doppled froh, schön dass es dich git.
Du bisch mi Liechtblick, nid erscht syt's das Lied git.
Nur damit du's weisch: Babe, ych lieb dich!