As mien moeke mit mie proat over vrouger
En trug denkt aan heur kindertied
Din maark ik in heur stem goun van weemoud
Dij herinneringen blieven veur aaltied
As jong wichtje smorgens vief uur oet berre
Om as maaid bie boer waarken te goan
Doags twij uur lopen, zummer, winter
Dat hebben joe joaren laank doan
refr.:
Moeke vertel mie nog ais 'n mooi verhoal
Je binnen zo'n gezellege proater
Moeke vertel mie nog ais 'n mooi verhoal
Ik wil ze opsloagen veur loater
"Op Valge" in Lains ston joen hoeske
Veur dij tied een mooie woonderij
'n Schier klobbe laand mit wat daaier
En ook wat toentjederij
Zummers joe voa helpen mit heuen
Mit rieve omgoan was joe nait vremd
Joe haren in dij tied noeit vekaanzie
Dat woord was doudestieds wereldvremd
refr.
Nou is 't roem fiefteg joar loater
En je binnen nog jong van haart
As joe weer proaten over vrougertied
Din zai ik 'n wereld apaart
Joe boestern mien hoes nog elke weke
En doun ook mien waske as 't kin
Doarom bin ik der trots op te zeggen
Dat ik 'n dail van joe bin