Ik lees kraant, doe dreugst dien hoar
Holden wie mörgen nog van mekoar
Doe belst dien zus, ik struun in blad
Bistoe aankom week nog mien schat
Ik schovvel toen, doe ropst ons poes
Ales vertraauwd en zo vaasttoand as n hoes
Doe draaist n ploat, ik bin soms baang
Soms duurt t kört, soms duurt t ook laank
As wie mekoar de roemte mor loaten
Herman en Karin dij deden dat goud
Hai huil van peerden, zai ging aan t leren
En het dij vint doar op n dag ook ontmout
Zodat ze nou ook kinderverzörgen mout
Vrumdgoan mag best, t is mor spel
Da's nait de hoofdzoak, mor wat is t wel
Doe bist op t waark, ik bin boas thoes
Gaaistoe veur n weekje op pad en van hoes
Kaalm blifst diezulf, k speul met vuur
Toch verletst doe mie meschain wel op n duur
k Zeg het nooit, doe bist nait dom
Wat gaait der nou echt in die om
As wie mekoar nou ales vertellen
Loat we zeggen zoas Hilde en Bram
Zai kreeg misère in heur carrière
Logisch dat hai dat gezoes nait meer nam
Omdat e nait aan zokzulm tou kwam
Doe bist zo laif, ik nou en din
Blief nog n zetje bie mie as t aits kin
Doe leest kraant, ik dommel net
k Heb òfvaalbak boeten hinzet