From Kamagayan With Love
(Rommel Tuico)
Nakit-an tika gabie
May kuyog ka'g tan-aw'g sine
Tiguwang na siya
Abi nako'g imong papa
Ang ako sa'ng kuyog matrona
Ang sabot namo libo ra
May nalang mapun-an
Pambayad sa atong mga utang
Mahal kanus-a?
Kitang manghunong ni'ng trabahoa
Di ko na maantos
Makit-an ka nga DOM ang kuyog
Sayod ko'ng ikaw usab naglisod
Magmahay man ulahi na
Wa man magtaro'g eskuwela
May panahon pa'ng magbag-o
Basta mag-uban lang kitang duha
Mahal karon na
Kitang manghunong ni'ng trabahoa
Di ko na maantos
Makit-an ka'ng lain-lain ang kuyog
Sayod ko'ng ikaw usab naglisod
Mahal karon na
Kita manghunong ni'ng trabahoa
Kaya ra'ng mag-antos
Magbuwad lang sa ta og ginamos
Pakapinan pa'g sabaw sa monggos
Kay ang mag-antos ra ba kuno masantos
Ingon sila bahala na'g saging basta loving
Bu şarkı sözü 428 kere okundu.