Tenevo na chitarra e s'è scurdata,
Na piantulélla 'e rose e s'è appassuta...
Tenevo a te, funtana 'e chesta vita,
E mo, st'ammore mio, se more 'e sete...
Desiderio!
Desiderio 'e stu core...
Primmo e ùrdemo ammore,
Ca more cu me!
Si' na spina,
Si' turmiento, si' pena...
Ma io nun voglio a nisciuna,
Io desidero a te.
Comm'a nu sciore, 'e ffronne, a una a una,
Da 'o core mio, sceppaste cu sti mmane...
Faje mille 'nfamitá...ma te perdono,
Pecché nun campo senza stu veleno!
Desiderio!
Desiderio 'e stu core...
Primmo e ùrdemo ammore,
Ca more cu me!
Si' na spina,
Si' turmiento, si' pena...
Ma io nun voglio a nisciuna,
Io desidero a te.