O's gur tursach, tursach mi
Nam bitheadh mo dhuil ri triall
A Uidhist nam beann arda
'Sann thugad tha mo mhiann
Gur og a fhuair mi m'arach ann
Nam phaisde beag gun chiall
Is boidheach leam do thraghannan
Is gair a' Chuain an Iar
'S nuair theid mi chun a' mhachaire
Air feasgar samhraidh ciuin
'Sna neoineanan cho cubhraidh
'San suilean duint' fon driuchd
Nuair a sheallain ri Loch Hallain
'Sna bric ri traigh a' leum
Bu phaillt an eala bhan ann
'S na h-eoin a' snamh na deidh
'S nuair dhireas mi Cnoc Hallain
'S a sheallas mi mun cuairt
Mo chompanaich 's mo chairdean
S cuid dhuibh a' cnamh san uaigh
Nuair shuidhinn air a gharradh
'S mi coimhead far na bruaich
Mi smaointean air an t-saoghal
'Sna daoine gan toirt bhuainn
'S their mise 'n clui do Dhalabrog
'Sna bheil ann sean is og
Ged's iomadh ait' dhen t-saoghal
Sam faodainn-sa bhith beo
Gur ann bu tric a bhuach'llich mi
An spreidh ri bruaich nan lon
S na laoigh bheag' air theadhraichean
A'leum air cheann nan rop
Ach sgiuridh mi dhen oran seo
'S dhem ghoraiche gun bhuaidh
Thaobh's gu bheil an oig agam
Cha choir dhomh bhith fo ghruam
'S ged gheibhinn aois a liathadh mi
'S a bheireadh dhiom a ghruag
Cha leig mi chaoidh a dhoichuimhn'
Uidhist ghrianach nan gleann uain'