Dä Possmann is ne nette Kääl
Hä jröss mich fründlich jede Daach
Immer, wenn ich ming Klapp opmaach
Normalerwies, do freut mer sich
Fröch sich, wat do em Kaste es
En Kaat us Rom oder Paris
Doch süht mer dann ne jraue Breef
Dä Schriffzuch schmerz, dä Schreck sitz deef
Finanzverwaltung NRW
Wat kann dat sin, wat op der Welt
Han ich de Stüür nit aanjemeld
Die Säck do wulle nur mi Jeld
Schätzung, Mahnung, Stüürbescheed
Schön en Maschineschreff
Do weiß m'r schon direck, woran m'r es
Poss vum Finanzamp, ich fauch wie en Katz
Met däm Stätz en ner Flachzang
Poss vum Finanzamp määt mich verröck
Ich flipp us un loof Handstand
Poss vum Finanzamp, wä schick sujet loss
Han die jarkeene Anstand
Ich krich kein Päckche met Packband
Kein Kaate met Sandstrand
Ich krich Poss vum Finanzamp
Ich han kei Konte en d'r Schweiz
En Luxumburch un Lichtenstein
Un maach nur winnich Klüngelei
Ich driev keen Banke zom Bankrott
Jeff Spendere kei Ihrewood
Schaff nix op Schwatze Konte fott
Doch wenn ich nit oppass krich ich schnell
Ne böse Breef, treck us d'r Höll
Fass esu, als wör ich kriminell
Ich find jo Stüür nit verkiehrt
Wenn mir nur einer ens erklärt
Wie dä Driss he funktioniert
Poss vum Finanzamp, ich fauch wie en Katz
Met däm Stätz en ner Flachzang
Poss vum Finanzamp määt mich verröck
Ich flipp us un loof Handstand
Poss vum Finanzamp, wä schick sujet loss
Han die jarkeene Anstand
Ich krich kein Päckche met Packband
Kein Kaate met Sandstrand
Ich krich Poss vum Finanzamp
Jetz reich et mir, ich fahr do hin
Om Briefkopp, do steiht "Schmitz"
Ich dat Aaschloch sinn, dat do am Schreibtisch sitz...
Jo, jetz freu ich mich jede Daach
Wenn ich minge Posskaste opmaach
Sinn ich ne jraue Brief un laach
Dat met der Stüür han ich jetz drop
Minge Schatz määt sich für mich dä Kopp
Un ich mach nur noch Breefcher met Roseduff op
Poss vum Finanzamp, ich schnurr wie e Kätzje
Op enem Deckche us Veloursamt
Poss vum Finanzamp määt mich janz rösich
Ich maach Männche un Handstand
Poss vum Finanzamp, wä sujet verschick
Dä schlepp ich direck op et Standesamp
Do schriewe mer in Bööcher met Samtband
Un us de Flitterwoche schicke mer
Kaate met Sandstrand
Un mi Lääve wood eets interessant