Michi:
Wos soi des bedeitn?
Wia kons sowos gebn?
Duad mi da Teifi begleitn?
Oda da Schraat sogar selm?
Er hot ma'n gebn!
I selba bins jetz!
Ois Schraat muas I leben!
Und I mach as G'setz!
Hans:
Is er jetz deppert?
Hams dem wos gebn?
Hoit'n z'ruck! Hoit'n z'ruck!
Sonst geht wos danebn!
Drudn:
Meister kimm zu uns
Und trag uns wos auf
Für di nehman mia
Ois in kauf!
Michi:
Wer spricht da zu mir?
Stimmt do wos ned?
Da Ring oder ihr?
Bin I jetz bläd?
Drudn:
Moasta kimm zu uns und trog uns wos auf
Für di nehman mir ois in Kauf!
Moasta mir san deine Diener, schaff o!
Wos für di doa wern muas, des wird aa do!
Michi:
Blasi! Hans! Helt's ma,
I bitt euch!
De hoin mi sonst rüber
Ins Todesreich!
Drudn:
Lauf, Moasta, Lauf!
Lauf, Moasta, Lauf!
Wenn de wos sogn
Dann hör ned drauf!
Blasius:
Schau hi! Er draht durch!
Wo wui er denn hi?
Ins Fuiz? In seim Zuastand?
Des überlebt der doch nia!