Es tuet an Asphaltcowboy singe
Vomene tote Wolf in Moll,
Zieht nöii Saite uf wo klinge,
Het offesichtlech d'Nase voll.
Auto wie troyanischi Rösser
Es Lache vomene blinde Schaf
Sandbärge u Luftschlösser
Papiertiger ohni Schlaf.
Die Herre Grossbetrüeger,
Wo überall d'Finger dinne hei,
Die alte chalte Chrieger,
Sie rede um a heisse Brei.
U d'Aeschebächer hei a Krise
Sie sy erstickt im Styropor
U chIy chunnt a Bise
Und es chunnt mir alls vergänglich vor.
Aber sie isch gäng no glych
Usse schön und inne schüüch
Bi ihre stimmt no alles
Sie treit a Buddha am Hals.
Müedi Ängel u armi Tüüfel
Zwüsche dr Bibel and em Dräck.
Falschi Prophete voller Zwyfel
Schtryte über Sinn and Zwäck.
Alles wo Dir Angscht cha mache
Das wartet no of Di !
Seit sie mit eme Lache
Wo mir zäme gsy sy.
Ja, sie isch gäng no glych
Irgendwie schtarch irgendwie rych
Ja, sie het alls
Sie treit a Buddha am Hals.
Es isch wie es Wunder
Wie a Schwalbe im Beton.
Sie weiss all dä irdisch Plunder
isch nume en Illusion -
Sie isch immer glych
Usse schön und inne rych
Ja, da stimmt no alls
Sie treit a Buddha am Hals.
E Silberbuddha am Hals.