Bi-j mien achter 't huus steet een Amerikaanse slee
Bi-j de aanschaf mos ik erg diep in de portomonee
't Is een 8-cilinder met veel chroom en een linnen kap
Ik hol 'm moeilijk in toom as ik 'm op zien donder trap
refr.:
Dan kump der wat, dan kump der wat
I-j wordt in de stoel gedrukt en i-j goat bi-jnoa plat
Dan kump der wat, dan kump der wat
Elke veertien dagen ni-je banden achterop
Tweehonderdveertig kilometer is zien top
De geur van smeulend rubber vermengd met uutloatgas
Ik wet 't, 't is ongezond, moar as ik 't ruuk geniet ik pas
refr.
As iemand steet te liften dan nem ik 'm wellis met
Moar alleen moar deerntjes, met keerls he'k niks an de pet
Dan demonstreer ik wat ik met mien auto allemoal kan
Dat vind zie interessant, alleen an mien vind zie niks an
Dan kump der wat, dan kump der wat
Zie wordt in de stoel gedrukt en zi-j geet bi-jnoa plat
Dan kump der wat, dan kump der wat
En nou kump der niks meer