Tum mujhe bhul bhee jao, toh yeh hak hai tumko
meree bat aur hai maine toh mohabbat kee hai
mere dil kee mere jajbat kee kimat kya hai
uljhe uljhe se khayalat kee kimat kya hai
maine kyu pyar kiya tumse, kyu pyar kiya
inn pareshan savalat kee kimat kya hai
tum jo yeh bhee naa batao, toh yeh hak hai tumko
meree bat.
jindagee sirf mohabbat nahee kuchh aur bhee hai
julf rukhsar kee jannat nahee kuchh aur bhee hai
bhuk aur pyas kee maree iss duniya me
ishk hee ek hakikat nahee kuchh aur bhee hai
tum agar aankh churao toh yeh hak hai tumko
maine tumse hee nahee sabse mohabbat kee hai
tumko duniya ke ghamo dard se fursat naa sahee
sabse ulfat sahee mujhse hee mohabbat naa sahee
mai tumharee hu yahee mere liye kya kam hai
tum mere ho ke raho, yeh meree kismat naa sahee
aur bhee dil ko jalao toh yeh hak hai tumko
meree bat.