Comme ean belli quelli tempi cö i indiein contro i cow boy
un duello o unn-a rissa risolvevan tutti i guai.
Oua invece a ogni scemata te denunzian in sci dui pè
ti ti deivi seguì a lezze o a tò vitta a va inderrè.
Unn-a votta l'ea o sceriffo o padron de-a citæ,
oua invece l'è 'na lotta poliscia e carabinè.
Te metteiva drito in cella, decideiva tutto lè
mentre oua i avvocati se spartiscian i dinæ.
Ma mia un po' chi, che vitta che ne tocca fâ,
vorriè tornà a vive ai tempi do far west.
'Na fattoria, cavalli, vacche e quarche can,
'na cavarcà in te-e praterie do far west.
Unn-a votta pè spostase no ghe voeiva manco guæi,
un cavallo, un calesse pè anâ via da donde t'ei.
Te bastava un po' de biada, un po' d'ægua e un po' de pan,
pè sentite re do mondo e tegnilo streito in man.
Oua invece trein in ritardo, bus che no arrivan mai,
se ti preuvi a ciamà un taxi alloa scì semmo in ti guai
Ti gh'è a macchina de lusso e a casetta cö u giardin
ma tra mutuo e benzinna no te resta ciù un belin.
Sta vitta chi, me stressa no gh'a fasso ciù,
perché no son nasciuo ai tempi do far west.
Che bello l'è, poei navigà cö a fantaxia,
e immaginà d'ëse tornou in to far west.
Cö un siaso e cö 'na pala se n'anavan in çercà d'ou,
assûnnâvan d'ëse ricchi de guagnase un po' de laôu.
Pè accatta de vacche e ingrandise a fattoria,
anasene a-o saloon a fâ bisboccia in compagnia.
Oua invece pè fâ i franchi chi s'imbroggia quarchedun,
perché se no t'è furbo de seguo no t'è nisciun.
Se no ti gh'è un gran conto o un bell'abito firmou,
ti proprio stanni çerto che nisciun te dajà un laôu.
Ma mia un po' chi, che vitta che ne tocca fâ,
vorriè tornà a vive ai tempi do far west.
'Na fattoria, cavalli, vacche e quarche can,
'na cavarcà in te-e praterie do far west.
In to saloon gh'ean donne che ballavan o can can
e un povio cristo che o strimpellava in sciù so pian.
O maximo do-o vizio l'ea o tabacco da giascià
un bel gotto de wishey, o 'na bira da gollà.
Invece in discoteca e donne ballan meze nue,
a mûxica ch'a spuncia e te vegnan e oegie dûe.
Se beivan de-e porcaie, cosse son manco ti o sæ,
armeno te servissan pè levate un po' de sæ.
Sta vitta chi, me stressa no gh'a fasso ciù,
perché no son nasciuo ai tempi do far west.
Che bello l'è, poei navigà cö a fantaxia,
e immaginà d'ëse tornou in to far west.
Ma mia un po' chi, che vitta che ne tocca fâ,
vorriè tornà a vive ai tempi do far west.