er wacht verkateret uf
het kain blassa schimmar meh was ganga isch
all dä krach, dä rauch, die droga
langt sich mit dr hand an grind
macht sich uf dä wäg ins bad
luagt sis gsicht im spiagal a
igfalla, narba, das wird faad
das sind d zaicha vor ziit
denkt er klasse
aber aigentlich klingt er mit sötig sprüch nur sina hass ab
mer het na mies behandlet in dr letscha ziit
und das waiss er
wäscht sich mitre haisse duschi all dä schaiss ab
wonem d lüüt zuegworfe hend, hend na bespuckt und vergewaltigt
klar das da nid alles mitra simple duschi vo ihm abwill
er wetts na zruggeh aber wia wenn er so passiv isch
selbschtlose frohnatur pazifischt
het o kai chance will mer no nia uf ihn rücksicht gno het
er denkt wies wär wenn jez er emol so rücksichtlos wär
wenn er dä andra lüt wür go hoor usriise, si misshandle, usznutze
und denn aifach links la lige
doch dä gedanka macht in umso schwächer
er got usem bad
trinkt an kafi und er waiss
hüt wird wider sona tag
wenn d wält a maa wär
wenn d wält a maa wär
wenn d wält a maa wär denn het si bluatigi füass
will si mina schaffa müasst ohni schuah in dr früa
ihri bei wärend kraftlos denn no us dr ziit als militärkind
het si laschte schleppe müassa
wo vill z schwer sind
ihra maga wär leer si het nid amol nahrig für d kinder doh
denn raubbau und krieg hend nur wüaschti hinderloh
wenn d wält a maa wär
denn het si zwei herz im bruschtkorb
eis alt und schwach wo vor schmerz fascht kaputt got
doch z andara jung und stark, pumt mit hochkonjunktu
dreiviartal vom bluat in di oberkörperstruktur
drum hetti d wält, wär si a maa, an usprägta oberkörper
gstählt durch harti arbat und usbüütig vom unterkörper
a stramms lacha wo si dr ganz tag ufsetzt
nur zum sich selbar zaiga dass si ganz guat usgseht
doch dr schiin trügt, si könt nid richtig an sich glaube
denn si gsecht dr unterschiid vo arm und riich i ihre auga
wenn d wält a maa wär
wenn d wält a maa wär
üsa planet wär bundesrat, er isch jo an maa und kai frau
rechtsdrall hett er und s altar grad au
er kämti zimmlich ins rotiere bi unsere problem
und kämpfti zerscht gega da biitritt zum sunnasystem
mer khört na wettara, das sig verblendig vom volk
as zentralistisches gebilde mit wenig erfolg
doch heg er nüt gega fremdi, nai er heg di maischta gern
er sig ja nid eso wies schiini, harti schala waicha kern
doch dr mond isch en schmarotzer 'was dä aigentlich so s gfühl het
das isch klara missbruch vom aidgenössische asylrecht'
denn er isch bi üs nur z gascht doch er vertriibt sini ziit
mit umehänga in dr nacht 'verdammta schiininvalid!
vo wega tote trabant' i seg dr mond wird verbannt
süs wörft er sina schatta no 'uf üsas globata land'
wär d erda a maa denn wär si mürrisch und nai,
nid neba da venus, sondern in züri dehai