Haaf bevrore lagte veer in Rusland aon
Op zeuk naor e plaotske um us op te werreme
Oontdekde veer tot de Russe nog noets e glaas beer gedroonke hadde
Ziesjoem! Zorreg dus veur de Berestrojka
Berestrojka
Door de snie en kaw totaal bevange
Kaome veer in Vladi-wostok aon
Woorte door unne stoere rus oontvaange
Dee us met nao zien kafeeke naom
Heer booj us un drenkske vaan 't hoes aon
God vergeef miech, iech vergaot de naom
Meh wie iech toen d'n ierste groete slok naom
Dach iech: hollep, noe gaon iech d'r aon
Heer bekeek us roed-doorloupe ouge
Pakde toen de fles met draank alweer
Drink geer noch eint leek heer us te goon vraoge
Meh veer sjriewde: geef us mer un glaas beer
Eur gasvreijheid kinne veer waardere
Me zet noe die fles vergif mer neer
Geer moot weite veer zien Mestreechtenere
En die leve inkel vaan 't beer
Grolschki, Amstel, Heineke en Brandska
Struimp beij us wie water oet de kraon
Ziesjoem! zorreg ouch heij veer berestrojka
Mor'ge kump de ierste laojing aon