Είναν σουμπούλαν αγαπώ
τ’ όνομα’νατς κι λέγω
την ώρα ντο κ’ ελέπ’ ατέν
κάθουμαι κα και κλαίγω.
Σουμπούλαν έλα έλα
σουμπούλαν έλα έλα
όντες τερώ σε μη τερείς
αφκά ‘κες χαμογέλα.
Έλα κάθ’κα σαν γόνατα μ’
ας πλέκω τα μαλλία σ’
ας πλέκ’ ατά ψιλά ψιλά
και σύρ’ ατά σο ωμία σ’.
Σουμπούλαν έλα έλα
σουμπούλαν έλα έλα
όντες τερώ σε μη τερείς
αφκά ‘κες χαμογέλα.
Σουμπούλα σουμπουλίτσα μου
όλ’ λένε για τεσέναν
φαρμάκωσον τη σκύλ’ το γιον
κι αρ’ έλα με τ’εμέναν.
Σουμπούλαν έλα έλα
σουμπούλαν έλα έλα
όντες τερώ σε μη τερείς
αφκά ‘κες χαμογέλα.
Dieser text wurde 556 mal gelesen.