Teresa De Sio - Song' 'e Tre Songtexte

Song' 'e tre

e 'o calore se fa azzeccuso

e cinqu 'o sei guagliune dint' 'o vico

se passano 'o pallone

e se danno 'a voce.

Stanno là,

cu 'e magliette fatte e sudore

che teneno 'e culure d' 'a furtuna

furtuna ca nun vene

mai dint 'a sta strada.

Tu tira e falle vedè,
c'ogni calcio è nu pugno
tirato n'faccia o munno
e tu tira e fatte sentì
chi cresce mmiez' 'a via
adda sapè signà
o se perde.

E chi sà
si quaccuno ve sta guardanno
oppure 'o cielo è sulo 'n'onda chiara
che passa e va luntano
e nun vede 'a nisciuno.
Tu tira e falle vedè
comm'a ll'arte d'a guerra
pe' chi soldato va

e tu tira e fatte sentì
chest'è ll'arte d'a vita

s'adda sapè signà

e tu tira e fatte sentì...