Jovink En de Voederbietels - Eerlijk = Eerlijk Songtexte

Ik gaf ow zeuven kind-ren
En nog klaag i-j tegen mien
Wat kan een man nog meer doen?
Dat i-j dat niet wilt zien

Ging de koelkast ow stuk? I-j wet ik bun druk.
Zet de kachel dan moar wat lager.
Die dut 't ok niet? gelukkig da-j ziet
Dat d'r dus niks vult te klagen

Dat huusholdgeld dat had ik neudig.
Da'k dos had, dat kun i-j toch begriepen
't Geet ok niet um 't geld
Moar um 't principe

I-j hoeft mien nix te zeggen.
Ik wet toch best hoe i-j denkt
Moar dat i-j mien niet wilt begriepen
Dat is iets woar i-j mien met krenkt

Hoe kom i-j d'r bi-j dat i-j mien stem mist
Mien voice mail steet toch meestal an
Of draai een van mien golden platen
Op mien stereo uut Taiwan

Oh, wat een pech. De stereo weg
De deurwaarder dut toch ok gewoon zien werk
Verjeurdag gemist? dan he-j ow vergist
Da-j elk joar jeurig bunt dat lik mien sterk

Onze nie-je auto is wat groter
Goed zo, dat heb i-j merakels goed gezien
Da's better veur de veiligheid van mien

Dat i-j met mien wilt proaten
Doar zit 't um net knel
As ik ow mening hebben wil
Dan geef ik ow die wel

Toe asteblieft. Weast positief
Ik had bi-jnoa alles gewonnen
Een dak op de keet, een boks an ow reet
I-j wet met gokken win i-j meestal tonnen

As de politie mien van 't cafe weer noar huus brengt
Knus bi-j kinderen, ratten en vrouw
Al mot i-j mien soms delen met een ander
Ik blief ow eeuwig trouw