Zazpi izarrak zeruan,
gurutze ta ilargiak
zazpi ate zabaleran
eta hor zagoz esperoan.
Sekula eta beti diote amen
eta odoletan diraute
zure hormek Jerusalem
legearen orbaina ezagutu arren
errugabearen azalean
tatuatuta dute
ilargia: gaueko giltza
gurutza: oasia
izarra: zeruen ahotsa
itsutasunean.
Hiru arma saindu jaurtikiz hitzak
ezberdintasuna salduz
berdinak direnean
sinesmen beharra minaren hazi
elkartasuna ostenduz
gorrotoa biziaraziz
urrea: botere hutsa
egurra: herioa
harria: barkamen isla
argitasunean
ilargia: gaueko giltza
gurutza: oasia
izarra: zeruen ahotsa, hautsean.
Zazpi izarrak zeruan,
gurutze ta ilargiak
zazpi ate zabaleran
eta hor zagoz esperoan
irri baten goxotasuna,
murgildurik ezpainak
erraietan sentimena
Jerusalem guretzat
Gaueko giltza lastargi oasian
sua eta garra zeruen ahotsa.