Gans onverwach zoog ich 'n foto van dich
En ich, ich waas 't effe kwiet
Want ich veulde weer dien lippe
En ich rook weer dien haor
Maf he, nao al dae tied
Dien ouge kieke neet in de camera,
Ze kieke eweg nao de grondj
Maar 't haet nieks verlaeges, nieks besjeies
Want det gek vrek lechske,
Wo ich zo vaol van heel
Det sjpeelt om diene mondj
Ich hob die foto geklauwd
En mit nao hoes genomme
En aaf en toe bekiek ich ze mit 'n heel klein bietje sjpiet
Want 't had gekos, 't had gekos
Doe en ich, de waereld waar toch van os
't had gekos, 't had gekos
Maar 't heel op veurdet v'r ech wore begos
Ich hob gezoch op zolder en ich vonj onnog dae breef daes doe mich op 't
Lets hobs gesjreve
Blauw op wit sjteit in zo'n maedjessjrif: "ik moet alleen verder met mijn
Leven"
Toen bin ich de kluts good kwiet gewaes
En om 'm zeuke wo ich 'm zowiezo neet vinje kos,
Ging ich op reis
Ich hob gezonge, gezonge
Toet ich zelfs neet meer zinge kos
Euver det gek vrek lechske,
De geur van dien haor
Maar nooit euver die sjtom dinger die-s doe zeis
Toch hob ich die foto
En dae breef nag in mien plekbook geplek
En aaf en toe bekiek ich ze
Mit 'n heel klein bietje sjpiet
Omdet 't had gekos, 't had gekos
Doe en ich, de waereld waar toch van os
't had gekos, 't had gekos
Maar 't heel op veurdet v'r ech wore begos
Ich hob de vrouw van mien laeve
En ich bin zo blie mit waat ich bin
Maar aaf en toe, heel aeve
Kin ich toch 'n bietje weemoedig zin
Dan mein ich
Det 't had gekos, 't had gekos
Ich wo det ich nag neet wis
Waat ich toen neet wos
't had gekos, 't had gekos
Maar 't heel op veurdet v'r ech wore begos
Want veur dich waar 't get van mich
Terwiel ich dach 't is van os