Oiméne oiko pe jaíre
Peteĩ guyra oñemíva
Che ambohéra ''la cautiva''
Oikóre iñapytĩmby
Che py'áre ojatapy
Akãnundúicha iñarõva
Mborayhu chupe arekóva
Aréma iñongatupy
Che rendúna la cautiva
Che renói taha nde ypýpe
Ani umi ka'aguýre
Ne año reiko resufrí
Che ko ikatúnte avei
Roipe'a mba'e mbyasýgui
Ha ajorávo nde kupýgui
Pe oikóva ne ñapytĩ
Ne rendagua arekopáma
Javeve katu guyráicha
Jaho'ipyre oimeháicha
Che rekoha mombyry
Anínteke rembyasy
Nde rakykuére opytáva
Ndénteko che ãnga jára
Reikóva iñapytĩmby
Nderehénte nderehénte
Ake ha apáyvo ha'éva
Oiméne piko oikoveva
Che corasõ jarami
Ndénte ne añagui rei
Reiko nde jaula ruguape
Ne resẽigui che rendápe
Nde járagui roñomi
Ha kuña ipy'a hatãva
Mborayhu oikuaase'ỹva
Che corasõme oñotỹva
Kyseichag̃uã mborayhu
Oikohag̃uã che kutu
Manterei jayhupápe
Ou rague che rendápe
Ha ipópe che peju