Un travaggio ciù nu g'ho,
mi son stæto licensiou.
"Semmo in crisi, ne dispiaxe te ne deivi anà,
n'han taggiou i fondi, dunca cosse poemo fâ?"
M'han zâ dæto a liquidasion,
ma no me bastià finna-a pension.
Me dajò da fâ a çercame un'atro lou,
ma de questi tempi l'è comme trovà de l'ou.
Me servan e palanche, armeno pè mangià,
pè pagà e mæ bollette, e o mutuo che mi g'ho in scia câ.
Son un ommo onesto, nu g'ho ciù travaggio
però son modesto, e gh'o tanto coraggio.
Mì sò fâ de tutto, scaregà cascette,
consegnà giornali e accudì veggette.
Tì t'è un ommo onesto, no son mica nescio
dæme un'occasion che mi coscì m'adescio.
Vendiò porta a porta enciclopedie,
faiò o massacan o de-e fotografie.
I atri fan palanche e mì invece ninte, ninte, ninte, ninte, ninte, ninte.
Meno mâ che gh'è mæ sêu,
che m'aggiutta armeno lè.
Ma no l'è de seguo proprio 'na bella situasion,
pè mì che voeiva fame 'na gran posision.
E pè fortunn-a che no g'ho moggè,
altrimenti e palanche e voeiva pure lè.
Oua mì son miscio, e mì no g'ho ciù un belin,
e a mæ vitta l'è vegnua tutta un gran casin.
Ma se no travaggio, e palanche mæ anian zù
de questo mondo de matti, no ne posso proprio proprio ciù.
Son un ommo onesto, nu g'ho ciù travaggio
però son modesto, e gh'o tanto coraggio
mi so fâ de tutto, scaregà cascette,
consegnà giornali e accudì veggette.
Tì t'è un ommo onesto, no son mica nescio
dæme un'occasion che mi coscì m'adescio
vendiò porta a porta enciclopedie,
faiò o massacan o de-e fotografie.
Son un ommo onesto, nu g'ho ciù travaggio
però son modesto, e gh'o tanto coraggio
mi so fâ de tutto, scaregà cascette,
consegnà giornali e accudì veggette.
Tì t'è un ommo onesto, no son mica nescio
dæme un'occasion che mi coscì m'adescio
vendiò porta a porta enciclopedie,
faiò o massacan o de-e fotografie.