De Bende Van Baflo Bill - Vel En Bonk Şarkı Sözleri

Homko van der Hommes was n grofmelenschrobberd
wat n kloede van n kerel was dat
nou vörkt e elke mörgen in n joggingpak veurbie
en is moager as n lat

elke dag n uurtje aan t trimmen
en boetendes op streng dieet
gain ijs mit chocodip, gain eerabbels mit stip
dat moakt de kuur compleet

hai gooit zien aarms -hup- in de luchte
en noar beneden tot aan zien tonen
doar blieft e smui van in de bainen
en hai kriegt gain stramme bonken

vrouger laip e aaltied in zien joggingpak op zoaterdag
bie hema en albert heijn
t ding haar zo'n mooie kleur en hai was eefkes oet de sleur
van elke dag een stropdas veur

aan t end van zoaterdagmiddag n potje bier, n puutje patat
n zolde heern op Grode Maarkt
moar da's nou verleden tied, nee hai runt nou mit veuls te wied
joggingpak rond in t Stadspark

hai gooit zien aarms -hup- in de luchte
en noar beneden tot aan zien tonen
doar blieft de smui van in de bainen
en hai kriegt gain stramme bonk

wat kon dij kerel hom roaken
nou zoept e allineg nog Spa
de kilo's binnen vot, hai het de boksem vol botten
het is net Pierlala
joa t is vel over bonk

vuilen joe joe te vet en der mouten wat kilo' s òf
dou din wat meer aan gimmestiek
en de kovvie zunder kouk, en joe worden dun as n snouk
en joen bonken net elastiek

gooi joen aarms -hup- in de luchte
en noar beneden tot aan joen tonen
doar blieft je smui van in de bainen
en je kriegen gain stramme bonk
smörgens en soavends even tien minuten
man en vraauwlu, old en jong
en let op noa vartien doagen
is het niks as vel en bonk
(c) tekst: P. de Haan / muziek: R.D. Davies