Vorriè cantà comme faxevan i Trilli,
che g'han ciù musse ma no g'han di mandilli,
vorriè savei ma comme fan, son stæti anche a Sanremmo
e noiatri l'è dexe anni che ghe provemmo.
Vorriè savei ma comme han fæto sti Trilli,
cantavan zâ quand'eimo di bagarilli.
Fin da figgieu mi sentivo Pippo e Pucci,
e m'assûnnâvo de vegnì famoso comme i Trilli.
Godo quande stò davanti a-o pubblico, e pè quanto segge stupido ho capio che un gran successo no g'ha limiti. I limiti che g'ho mì i riconoscio, però mi çerco sempre de dâ o mëgio in tè questo mondo artistico.
Credighe, me dixan credighe e ti t'arriviæ, unn-a votta in t'a vitta a Sanremmo ti cantiè.
Fidite, me dixan fidite che ti gh'a fæ. Ma mì ghe veuggio anâ cö-i Buio Pesto oua ciù che mai.
Mì son stimou da tutti i mæ colleghi musicisti, television locali e pure tutti i giornalisti,
a libertæ che questo pubblico me lascia, a mi me fa sentì ancon comme na bagascia.
Vorriè cantà ma con a voxe de Mina,
che certamente a no l'è 'na belinn-a,
a l'ha cantou con Celentan, l'ea 'na cossa molto bella
a mì invece tocca Gianni Casella.
Vorriè savei ma comme a fà questa Mina,
sparì da-o mondo ma ëse sempre in vedrinn-a.
Se mi spariscio comme lè, no me caga ciù nisciun,
perché mi no canto comme fà Mina.
(Me meremmè memmè)
Me piaxe questa musica che fasso, se a quarchedun a no piaxe no me importa e de seguo mì no m'ammasso, mentre mì son in sci-o palco tutte e seje, gïando in lungo e in largo pè a Liguria comme un nescio.
Purtroppo in çimma all'Hit Parade no ghe arrivemmo in bonn-a compagnia ma chi in Liguria in te classifiche da tempo semmo i re e no ghe n'è, no veuggio fâ o meistro, ma dedico e cansoin a tutti quelli che ne sentan.
Vorriè cantà comme fa Gianni Morandi,
vorriè aveighe e sò palanche, belandi!
No se sà quanti anni o g'ha, g'ha sto muro da bambin
ma da un sacco d'anni rompe o belin.
Vorriè savei ma comme o fà sto Morandi,
l'è capitan da-a nasionale cantanti,
invece mì no zeugo manco a o biliardo
ma dov'è che treuva a forsa questo Gianni Morandi.
Mì son bravo a cantà queste cansoin, ma ti de ciù, ma ti de ciù,
mì son bravo a regalà anche de emoscioin, ma ti de ciù,
ma quanto tempo alloa, mì doviò cantà
l'è troppo tempo alloa, e mì me sento mâ perchè
Purtroppo mì no son comme ean i Trilli,
che g'han ciù musse ma no g'han di mandilli,
vorriè savei ma comme fan, son stæti anche a Sanremmo
e noiatri l'è dexe anni che ghe provemmo.
Ma l'importante è no ëse Biagio Antonacci,
che quando senti e sò cansoin, poi ti cacci,
o cianse invexe che cantà, e anche se o l'è un mandillà
gh'è pure chi vêu ëse Biagio Antonacci
E meno mâ, no semmo come Antonacci.