Boh Foi Toch - Landbouwwerktugenvereniging Şarkı Sözleri

Ik gong een endjen rieden mien deerntjen was der bi-j
't Was in de maond van Mei ja ja en kaerl wat was ik bli-j
Mien auto blonk as peerdekottels in de maoneschien
Ik kek eur in 't witte van 't oog en wis zee holt van mien

Bi-j Anton van den stikken draej gong 't den zandweg in
't Gong zo smeu zo zeutjes an wi-j hadden 't zo naor 't zin
Bi-j 't darde knipgat is ons too den auto blieven staon
Hee wol neet veur- of achteroet 't was met em gedaon

Hoo mo'j der dan met an, waor blif den handy man

Een trekker een shovel een aleninjecteur
Een balenpers een hekselmolle kiek daor bunt ze veur
Zon grei kump altied good van pas 't is daorum dat ik zing
ter ere van de landbouwwerktugenvereniging

't Was veuregsjaor 't heugt mi-j nog op konneginnedag
Ik wol der hen en had veur eur wat eier met ebracht
Neet van de batteri-je en ok gin scharrelgrei
Nee frisse eier uut 't heuj wat op de daele lei

't Volk ston riegendikke ik repe an de zijd
Ach mensen gaat eens uit de weeg ik moet mijn eier kwijt
Ik douwen en ik stoeken maor helpen dei dat niks
Zo kwam ik blos met beste struif bi-j onzen Beatrix

Ik wet no onderhand waor Abraham de mosterd helt
En um een haor krieg ik no elk probleem wal uut de welt
De cooperatie of de Bond daor gao'k der met op an
Dat volk is razend hendeg daor zit den handy man