Bläck Fööss - Die Profis Vun D'r Eierquell Şarkı Sözleri

Mir drei sin furchbar talentiert - am Selvermache interessiert
Dröm hammer uns jet üverlat - en eijene Firma opjemat
GmbH un Co KG - GbR, AG, OHG
Schruvetrecker, Kombizang - nix wie ran

Eetste Auftrach Bergisches Land - dat hatte M'r ävver nit jekannt
Verläjung vun ener Nääksdeschlamp - vun einer, op die andere Wand
Doch en d'r Eck, wir hatten es überseh'n, ein Aquarium auf einem Schränkchen steh'n
Interessant, wie su ne Fesch em Flokati litt - Ich künnt dat nit

Mir zementierten 'nen Balkon - dä koot donoh erunder kom
Balkone schon mal runterfallen - wenn Mieter mit de Türen knallen
Frau Kühl hatt' en Bühl em Teppich dren - mir drei 'mem decke Hammer hin
Dreimol kräftich jeklopp - Hamster fott

Auch waren wir wieder in Endenich - Reklamationen enden nich
Wir hatten zu tun in Heilijenhaus - seit dem fallen da sämtliche Messen aus
Es stand ein Haus am Wiesengrund - em Blumenbeet ein Bombenfund
Den Zünder raus mit einem Dreh - Haus am See

Im Bereich vom Sanitär - muß ene echte Fachmann her
Weil Jas jewöhnlich exposiev - am beste en d'r Leitung bliev
Wie seinerzeit en Longerich - do maate mir en Leitung dich
Zerettepaus punk halver zwei - Jrundstück frei

Störfall en d'r Mikrowell - Kantine, Troisdorf, Dynamit Nobel
Schuld wor nur ne ahle Lappe - zwischen Thermostat un Lüftungsklappe
Normal wor dat Ding för uns jeritz - da gab es einen kleinen Blitz
Zwei Drähte jehörten wohl nich zesammen - Rhein in Flammen

Mir künnten üch noch vell verzälle
Vun dausend Klein un Jroßbaustelle
Korek, promp, secher, sauber, schnell
Die Profis vun d'r Eierquell